【bareMinerals高光粉餅】Endless Glow高光打亮粉餅 捱夜都可以有神! | iTRIAL美評

今次我試用的是bareMinerals Endless Glow高光打亮粉餅，唔知大家有冇睇過一啲歐美明星同埋KOL嘅化妝教學片呢？好多時候佢哋都用好多時間去突顯輪廓，例如打陰影同打高光。連輪廓比我地深嘅西方人都咁注重修容提亮，我地亞洲人又點可以偷懶呢！即刻在iTRIAL美評為大家實我測一下！

Tex & Photot：打工仔Winni | Editor: Tiffanypanda

bareMinerals高光打亮粉餅
Endless Glow Highlighter

價錢：＄270／10g

色號：Zen

點擊查看產品資料

實測 bareMinerals高光打亮粉餅
Endless Glow Highlighter

今次實測的bare Minerals Endless Glow 高光打亮粉餅，我覺得都幾符合我嘅要求。首先睇吓佢個size, 一隻手揸得晒之餘，仲係鏡盒，上車補妝無難度。外觀亮貫徹bareMinerals 嘅平實風格，不過勝在方便嘛。

細個或者可以一樽粉底走天涯，但而家日日捱夜OT，面色難免暗啞，連粉底都未必救到。最近兩年開始用高光粉，一開始係用膏狀貪方便，但慢慢向高光粉發展。用過幾個牌子都續漸有啲心得，我覺得好嘅高光粉餅一定要有呢三個條件：1. 方便攜帶2. 提亮唔返白 3. 珠光幼細唔顯油。

 到色彩部分，今次試既係色號Zen，偏金色，都幾百搭，好適合黃皮。我特登搵多幾個牌子做對比，顯色度都足夠。好多時候高光有個問題就係會顯得皮膚白左一層 (好似右邊)粉感好重，同時無左自然提亮既效果。但太紅就唔適合黃皮，妝感同樣變重(左邊)。

薄薄掃上一層的效果

bareMinerals 呢個色號就無呢個問題，無打鼻影既情況下，個鼻都監生高咗幾mm，好自然.

閃粉效果

總評語：

試咗一日，都無滿面油光，眼下仍有提亮效果。佢聲稱有8小時長效配方，我覺得唔出汗嘅部位（如眼下）係得嘅，但鼻就要中間補補啦。呢盒高光粉餅售價$270 ，我覺得價錢都算係公道。如果你會好似我咁成日都捱夜，我都推薦你買返盒旁身，畢竟OT 都要靚㗎嘛！